Kambal-kaloka ang dalawang naggagandahang bida ng bagong serye ng Kapamilya na Kambal sa Uma – si Melissa Ricks bilang Ela at si Shaina Magdayao bilang Vira. Bukod kasi sa pag-arangkada ng lovelife nila, eh, ’tila ayaw rin silang tigilan ng mga intriga.
Kaloka kasi ang mga miron na pilit na pinagsasabong ang dalawa. Hirit nila, nauungusan na raw ngayon ni Mel si Shaina. Sunod-sunod nga kasi ang proyekto ng Star Circle Gurl samantalang ’tila bihirang ma-sightsung ang kapatid ni Ate Vina.
Say ni Mel, ipinagpapasalamat niya nang malaki ang mga projects na dumarating sa kanya. At pinag-iigi niya ang trabaho para naman mas lalong masiyahan ang mga nanonood ng shows n’ya. Sa side ni Shaina, may tiwala raw siya na ginagawa ng Star Magic ang lahat para umangat at maging maganda ang career niya. ‘Wag na lang daw silang intrigahin dahil pinagbubuti naman niya ang trabaho niya para rin sa ikasisiya ng madla.
Samantala, kaloka rin ang chika na kinakarir ni Jake Cuenca si Melissa habang hindi pa rin malinaw kung on-screen lang ba talaga ang loveteam niya with Matt Evans. ‘Eto namang si Shaina, super-blooming dahil sa maayos na takbo ng relasyon niya with another Kapamilya Star na si John Prats na nababalitang pinagbawalan niyang makipag-kiss sa seksing si RR Enriquez.
O ‘di ba, kung kabog at kabog lang, may laban diyan ang Kambal-Kaloka, este, Kambal sa Uma girls pala.
Premiere Shots
by Mayin de los santos
Click photo below to enlarge.
