NAGSIMULA NOONG ABRIL 18 ang ikatlong yugto ng Banana Split, ang nag-iisang gag show sa Pilipinas na naunang pinagbidahan ng ilan sa mga sexy stars ng Kapamilya network tulad nina Angelica Panganiban, Cristine Reyes, RR Enriquez, Roxanne Guinoo at Valerie Concepcion. Maraming kalalakihan ang nahumaling sa alindog ng mga nagseseksihang chiks na ito.
Makakasama na sa naturang programa ang mga paborito nating mga Parekoy na sina Jayson Gainza, John Pratts at Zanjoe Marudo.
Makikigulo na rin ang riot na tandem nina Pooh at Pokwang.
‘Eto nga lang ang nakakalungkot na balita: Hindi na natin makikita sa naturang programa sina Valerie Concepcion at Roxanne Guinoo.
Prangka ang kampo ni Valerie na talent fee ang dahilan kung bakit napagdesisyuna niyang umalis sa programa. Hanggang ngayon naman, hindi pa rin nailalabas ang tunay na dahilan sa pagkakatanggal ni Roxanne.
Nakita namin sa aming mahiwagang baul ang ilan sa mga “malulungkot” na larawan nina Val at Rox sa set ng Banana Split. Nagkaroon ba sila ng pangitain na darating ang araw na makikipag-split na sila sa Banana Split? Hmmm…
By Mica Rodriguez
PARAZZI WIRES PHOTOS
