Siya ang pinakabago at pinakapaboritong kusinera ng buong Pilipinas ngayon. Oolala! Kinaya n’yo ba ang powers niya mga kaparazzi? Naging taong-ibon, lumipad suot ang napakaseksing two-piece costume, naging salamangkera, umaksyon kasama si Binoe, naging taong-lobo, at ngayon, isa na siyang bonggang-bonggang reyna sa kusina!
Sa kanyang pagbabalik-teleserye, ginagampanan ni Angel Locsin ang role ni Jillian sa Pinoy adaptation ng Koreanovelang Only You kasama sina Sam Milby at Diether Ocampo. Si Angel na ang maswerteng makasama ang dalawang Papable na ito, huh! Pero tila mas maswerte ‘ata itong sina Sam at Diet at may kusinera silang seksi na, da best pa sa pagluluto.
Sey nga ni Angel, nahanap na niya ang bago niyang pagkakaabalahan, huh! Na-inlab na nga ata ng tuluyan itong ating kusinera sa kusina at mukhang may balak ding mag-aral ng culinary arts. At sa naganap ngang presscon ng Only You sa Dolphy Theatre kamakailan, nagpakitang gilas ang ating cooking angel habang niluluto niya ang isang Korean dish. See, saan ba kayo makakahagilap ng kusinerang kahit nagluluto, hindi nawawala ang poise at elegance, aber keber?!?
Premiere Shots
by Jean Oli
