WALANG KAGA-TUL-GATOL na tinawag na baliw ng January FHM cover girl na si Ellen Adarna ang beauty queen/ actress na si Ma. Isabel Lopez na nakasama rin nito sa Survivor Celebrity edition.
Maaalalang nagkaroon ng sigalot si Ellen sa mag-inang Ma. Isabel Lopez at Mara Yokohama na nauwi sa pagpapalitan ng maaanghang na salita, hanggang sa magdesisyong mag-quit na lang sa Survivor si Ellen.
Pero ipinaliwanag naman ni Ellen, kung bakit baliw ang tingin niya kay Ma. Isabel, ayon dito very interesting daw kasi ang character ng beauty queen/ actress.
Pero mas galit na galit daw si Ellen sa rugby player na si Arnold na nagsabi na hindi naman daw sila sikat ni Filo (BF nito) kaya kung gusto raw nilang sumikat, gumawa sila ng sex video. Tsika nga ni Ellen na napaka-very disrespectful nito sa babae, kaya naman daw hindi niya mapapatawad ang rugby player.
HINDI MAN daw nakarating sa party ni Kylie Padilla ang napapabalitang BF nito na si Aljur Abrenica, may regalo naman daw ito sa dalaga ni Robin Padilla na ayaw na lang daw sabihin ni Aljur kung ano ang niregalo niya.
Mas maganda raw kasi na si Kylie na lang ang magsabi sa mga magtatanong dito kung ano ba ang regalo nito. Basta galing daw sa puso at espesyal ang regalo niya sa dalaga dahil isa raw si Kylie sa espesyal na tao sa kanya.
Pinaliwanag din ni Aljur kung bakit hindi siya nakadalo sa selebrasyon ng kaarawan ni Kylie. May trabaho raw siya nang araw na ‘yun at madaling-araw na siya nakauwi.
Tinawagan naman daw niya si Kylie para humingi ng paumanhin at naunawaan naman daw ng dalaga kung bakit ‘di siya makararating.
BONGGA ANG TV5 Prime Artist na si Meg Imperial dahil 3 ang suitors nito from different TV networks – may taga-TV5, ABS-CBN 2 at GMA-7.
Tsika nga ni Meg na mas masugid at desididong mapasagot siya ng kanyang manliligaw na taga-TV5 na lamang, kumpara sa taga-Dos at Siyete na lagi niyang nakikita at nakakasama, dahil pareho sila ng home studio.
Pero sad to say, dahil at 19 ay wala pa raw balak na mag-BF si Meg at mas gustong mag-concentrate sa kanyang blooming career.
Dagdag pa ng magandang dalaga na kung sino sa 3 nabanggit ang makapag-hihintay ng tamang panahon na ready na siyang magka-BF, ang kanyang sasagutin. Naniniwala raw kasi ito sa kasabihang kapag may tiyaga, may nilaga, sabay tawa ng Glamorosa at Bagets star.
ANG MAGKAROON ng pelikula ang 2012 wish ni Teejay Marquez, Star Awards For TV 2011 awardee for Best New Male TV Personality at endorser ng FUBU Apparel, F & S Tailors, Tony and Jackey Salon, Dr. Homer Cudel and Dra. Amy Valle of Rescuederm at Sprinto Eyewear.
Ito na lang daw kasi ang hindi pa niya nagagawa, ang makasama sa isang pelikula, kaya naman daw ngayong 2012 ay isa sa goal niya ang makagawa ng pelikula.
Tsika pa nito na baka may gawin siyang pelikula sa Indonesia pero inaayos pa raw ang lahat ng detalye tungkol dito. Basta ngayon daw ay busy muna siya sa kanyang mga regular TV shows katulad ng Tweenhearts, Master Showman at Ikaw Lang ang Mamahalin. Bukod pa rito ang paggawa niya ng maraming TV commercials.
MAGANDA ANG mensahe at nilalaman ng album ng twins na sina Roland at Rovince o mas kilala bilang Monterozo Twins, ang Music and Me under Viva Records.
Ilan sa nakapaloob sa album ng Twins na alaga ng kaibigan naming si Henry Hernandez ang mga awiting “Crush na Crush Kita”, “Music and Me”, “Walk With Faith In Your Heart”, “Staying Together”, at “Screenagers” .
John’s Point
by John Fontanilla
